Nagelsmann o‘zining g‘ayritabiiy odati haqida gapirdi

"Bavariya" klubi bosh murabbiyi Yulian Nagelsmann o‘zining g‘ayritabiiy odati haqida gapirib o‘tdi. Unga ko‘ra, yosh mutaxassis hatto tunda ham futbol haqida bosh qotiradi.

"O‘yindan keyin uyquga ketgan vaqtlarda men tuni bilan jamoadagi futbolchilar ismini aytib chiqar ekanman. Rafiqamning aytishicha, bu harakatlarim bilan men uni uyg‘otib yuboraman", - deydi murabbiy.

Eslatib o‘tamiz, Yulian Nagelsmann mavsum boshida "Bavariya" bosh murabbiyi etib tayinlangan. U hozirda Germaniya terma jamoasini boshqarayotgan Xans-Diter Flik o‘rnini egallagandi.