Наингголан 2 та клубдан бўлган таклифни рад этди
Ads

Миланнинг "Интер" клуби ярим ҳимоячиси Ража Наингголан жамоадан кетишни хоҳламаётган кўринади.

FC Inter News нашри тарқатган хабарга кўра 31 ёшли бельгиялик футболчи "Галатасарой" ва Хитойнинг "Цзянсу Сунин" клубларидан бўлган таклифларни рад этган.

Эслатиб ўтамиз, бундан аввалроқ “нерадзуррилар” бош директори Наингголан ва Икарди уларнинг янги мавсум режаларига кирмаслигини очиқ айтган эди.

Маълумот учун, “Интер” Наингголанни бундан бир йил муқаддам 38 млн евро эвазига “Рома”дан сотиб олган эди. У ўтган мавсум 36та ўйинда майдонга тушди ва 7та гол ҳамда 3та голли узатмага муаллифлик қилди.