Наингголан фаолиятини ПСЖда давом эттириши мумкин

Миланнинг "Интер" клуби ярим ҳимоячиси Ража Наингголан фаолиятини ПСЖда давом эттириши мумкин. Бу ҳақда Football Italia нашри хабар бермоқда.

Унга кўра парижликлар аллақачон 30 ёшли бельгиялик футболчининг вакиллари билан бу борада алоқага чиқишган. Ўз навбатида Наингголаннинг “нерадзуррилар” раҳбарияти билан келиша олмай қолгани инобатга олинса, ушбу трансфернинг амалга ошиши ҳақиқатга яқин бўлиши мумкин.

Эслатиб ўтамиз, бундан аввалроқ “Интер” раҳбарияти бир неча бор машғулотларга кечикиб келгани учун Наингголан маълум муддатга жамоадан четлатган эди.

Маълумот учун, Наингголан жорий мавсум миланликлар сафида жами 16та ўйинда майдонга тушиб, ўз ҳисобига 3та гол ёздириб қўйишга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар