Наингголан "Фиорентина"га қарши ўйинда 3 та ассистлик қилди ва гол ҳам урди

Италия А Сериясининг 12-турида "Кальяри" ўз майдонида "Фиорентина" клубини қабул қилиб, 5:2 ҳисобида зафар қучди.

Учрашувда мезбонлар ярим ҳимоячиси Ража Наингголан 3 та голли узатмани амалга оширди ва битта гол ҳам уришга эришди.

Бельгиялик 16-дақиқада Марко Рог, 34-дақиқада Жованни Симеоне ва 54-дақиқада Жоао Педро киритган голларга ассистентлик қилди.

Бундан ташқари, 65-дақиқада Лука Чигарини томонидан узатилган тўпни Наингголан рақиб дарвозасига жойлаб қўйди.