Наингголан яна қадрдон жамоасига қайтмоқда

“Интер”да барқарор ўйин амалиётига эга бўла олмаётган ярим ҳимоячи Ража Наингголан давралар оралиғида яна “Кальяри”га қайтиши мумкин.

Италиялик журналист Николо Скиранинг маълум қилишича, сардинияликлар 32 ёшли футболчини ижарага олиш бўйича музокараларни бошлаб юборган.

Наингголан 2010-2014 йилларда “Кальяри” сафида тўп сурган. У ўтган мавсумни ҳам ижарага асосида ушбу жамоада ўтказган эди.

Ража Наингголан жорий мавсум А Серияда бор йўғи 4 та ўйинда майдонга тушди. Унинг “нерадзуррилар” билан амалдаги шартномаси 2022 йилга қадар имзоланган.