Намангандаги ММА кечасининг марказий жанги ҳам бир раунд давом этди

Наманган шаҳрида ташкил этилган профессионаллар ўртасидаги ММА кечасининг сўнгги, марказий жанги ҳам ўз якунига етди.

Ушбу асосий жанг -91 кг вазн тоифасидаги жангчилар ўртасида бўлиб ўтди. Яъни, Шоҳруҳ Латифжонов Жўрабек Умархоновга қарши жанг қилди. Ушбу тўқнашув ҳам биринчи раундда ўз ниҳоясига етди.

“Тэйк-даун”ни охирига етказган Умархонов якунда бўғиш услуби билан жанг тақдирини ҳал қилди ва Наманган вилоятида ўтказилган илк ММА кечасида ўз ғалабасини нишонлади. Шу тариқа, Наманган вилоятидаги профессионаллар ўртасидаги жанг кечаси тугади.