"Наполи" асосий ҳужумчиси билан келишиб олди

Италиялик ҳужумчи Лоренцо Инсинье "Наполи" билан амалдаги шартномасини узайтиради. Бу ҳақда Calciomercato нашри хабар тарқатмоқда.

Юқоридаги манбага кўра, 28 ёшли футболчи ва “Наполи” ўртасидаги музокаралар муваффақиятли якунланган. Энди томонлар 3 йиллик шартномага имзо қўйишса бас.

Инсинье “Наполи” сафида 2009 йилдан буён тўп суриб келмоқда. У жорий мавсум А Серияда 25 та ўйинда майдонга тушди ва 5 та гол ҳамда 6 та голли узатма ёздириб қўйишга эришди.