"Наполи" эртага ўз тарихидаги энг қиммат трансферлардан бирини эълон қилади

“Лилль” клуби ҳужумчиси Виктор Осимхен фаолиятини “Наполи”да давом эттирадиган бўлди.

Football Italia нашри тарқатган хабарга кўра, 21 ёшли нигериялик футболчи эртага “Наполи” футболчиси сифатида расман таништирилади. Айни дамда томонлар шартноманинг сўнгги бандларини муҳокама қилишмоқда. Айтиш керакки, А Серия гранди унинг трансфери учун 81 млн евро тўлайди.

Маълумот учун, Осимхен жорий мавсум Франция чемпионатида 27 та ўйинда 13 та гол ҳамда 5 та голли узатмага муаллифлик қилди.