Ads

Италиянинг "Наполи" клуби ўзининг асосий ҳужумчиси Лоренцо Инсинье билан амалдаги шартномани узайтириш борасида музокараларни бошламоқчи.

Todomercadoweb тарқатган хабарга кўра неаполликлар 27 ёшли футболчига маоши оширилган узоқ йиллик шартнома таклиф қилишмоқда. Таъкидлаш керакки унинг йиллик маоши айни дамда 4,5 млн еврони ташкил этади. Унинг амалдаги шартномаси эса 2022 йилга қадар имзоланган.

Маълумот учун, Инсинье жорий мавсум А Серияда 17та ўйинда майдонга тушди ва ўз ҳисобига 7та гол ҳамда 5та голли узатма ёздириб қўйишга эришган.