"Наполи" ҳужумчиси коронавирусга чалинди

“Наполи” ҳужумчиси Виктор Осимхеннинг коронавирусга топширган тест натижалари мусбат чиққан. Бу ҳақда клуб расмий сайта хабар тарқатмоқда.

Юқоридаги манбага кўра, нигериялик футболчида касаллик аломатларсиз кечмоқда. Осимхен “Наполи”нинг бошқа аъзолари билан алоқада бўлмаган ва шу сабабли жамоада вирус тарқалиш эҳтимоллари йўқ..

Женнаро Гаттузо бошчилигидаги жамоа 3 январь куни А Серия доирасида “Кальяри”га қарши сафар учрашувини ўтказади.

Виктор Осимхен жорий мавсум “Наполи” сафида 8 та ўйинда майдонга тушди ва 2 та гол ҳамда 1 та голли узатма ёздириб қўйди.