"Наполи" Кулибалига ўринбосар топди

"Фиорентина" клуби ҳимоячиси Никола Миленкович фаолиятини "Наполи"да давом эттириши мумкин. Бу ҳақда Gazzetta dello Sport нашри хабар тарқатмоқда.

Юқоридаги манбага кўра, неаполликлар 22 ёшли сербиялик футболчини "Манчестер Юнайтед" ва “Ливерпуль” клубларидан бирига ўтиши кутилаётган сенегаллик ҳимоячиси Калиду Кулибали ўрнига муносиб кўрмоқда.

Бундан аввалроқ эса, Миленковичга “Манчестер Юнайтед” ва “Барселона”дан ҳам қизиқишлар борлиги ҳақида хабарлар тарқалган эди.

Никола Миленкович жорий мавсум “Фиорентина” сафида жами 29 та ўйинда майдонга тушди ва 3 та гол урди. Унинг клуб билан амалдаги шартномаси 2022 йилга қадар имзоланган.