"Наполи" президенти Контенинг келажаги ҳақидаги саволга жавоб берди

Хабарингиз бор, "Наполи" Италия А Сериясининг сўнгги турида "Кальяри" устидан 2:0 ҳисобида ғалаба қозониб, чемпионликни расмийлаштирди. Ушбу беллашувдан сўнг жамоа президенти Аурелио Де Лаурентис жамоа мураббийи Антонио Контенинг келажаги бўйича бир қарорга келгани ҳақида гапирди: 
 
“Агар кимдир ўзини қандайдир муҳитда бахтли ҳис қилмаса, у ҳолда унга янги манзара керак бўлади – худди Спаллеттидек. 
 
Конте билан ўзаро ҳурмат бор. Мен унга икки йилдан сўнг Скудетто совринини олиб келгани учун миннатдорчилик билдираман. Жанубий Италия клуби учун уч йил ичида икки марта А Серия чемпионлигини ютиш осон эмас. 
 
Спалетти олиб келган чемпионлик сўнгги турда ҳал бўлди. Лигадаги рақобат кучсиз эди, деган гаплар ҳақиқатга тўғри келмайди – барча жамоалар кучайди" — дея таъриф бериб ўтди жамоа президенти. 
 
Эслатиб ўтамиз, неаполликлар жорий мавсумни 24 ғалаба, 10 дурранг ва 4 мағлубият билан умумий 82 очко тўплаган ҳолда, чемпионлик билан якунлади.

Мехриддин Бобоқулов