«Наполи» «Реал» футболчисига қизиқиши ҳақида маълум қилди

«Наполи» спорт директори Жованни Манна клуб «Реал»га тегишли, ҳозирда «Фиорентина» сафида ижара асосида ўйнаётган ёш вингер Франко Мастантуоно билан жиддий қизиқиш бўлганини маълум қилди.

«Биз Мастантуонони ҳали у «Ривер Плейт» таркибида ўйнаган пайтлариданоқ кузатганмиз. Унинг ўйини бизга ёқарди, ҳали ҳам ёқади. «Реал»дан уни олиб келишни истагандик, лекин мадридликлар футболчини фақат ўзлари белгилаган шартлар асосида сотишга тайёр эди. Ҳозирча бу шартлар «Наполи» учун мақбул эмас», — деди Манна DAZN телеканалига берган интервьюсида.

Эслатиб ўтамиз, ўтган ёзда «Фиорентина» 19 ёшли Мастантуонони «Реал»дан ижарага олган эди. Яна бир неча ой ичида у  барча мусобақалар доирасида еттита ўйинда майдонга тушиб, учта гол уришга муваффақ бўлди.