Ads

Москванинг ЦСКА клуби ҳимоячиси Арнор Сигурдссон ёзги трансферлар даврида "Наполи"га кўчиб ўтади. Бу ҳақда исландиялик журналист Хервар Хафлидасон хабар тарқатмоқда.

Унга кўра неаполликлар 20 ёшли исландиялик футболчининг трансфери бўйича келишувга эришишган. Бироқ, ҳозирча ушбу трансфернинг молиявий томонлари ошкор этилмаяпти.

Маълумот учун, “армиячилар” Сигурдссонни ўтган ёз 4 млн еврога харид қилишган эди. У якунланган мавсум 27та ўйинда майдонга тушди ва ўз ҳисобига 7та гол ҳамда 2та ассист ёздириб қўйишга эришди. Унинг москваликлар билан амалдаги шартномаси 2023 йилга қадар имзоланган.