“Napoli” soddagina yigitni yulduzga aylantiradi

“Napoli” oddiy futbolchilarni yulduz qilib tarbiyalash hadisini olgan. Bugun ko‘plab grand klublarning tinchini o‘g‘rilagan Kalidu Kulibali ham olti yil oldin 10 million evroga olib kelingan edi. Hozir  neapolliklar uni qariyb 60 millionga transfer qilishga tayyor.

“Napoli” rahbariyati Kulibali o‘rniga yana bir bo‘lg‘usi yulduz – Robin Koxni topib qo‘ydi. 23 yoshli futbolchi ayni paytda grandlar e’tiboridan uzoqda – “Frayburg”da o‘ynamoqda.

Robin Koxning transferi uchun “Napoli” 15 million evro mo‘ljallamoqda. Himoyachining yillik maoshi bir million evro bo‘ladi.