"Наполи" "Ювентус"га бас келолмади
Польша терма жамоаси ҳужумчиси Аркадиуш Милик “Наполи”дан “Ювентус”га кўчиб ўтадиган бўлди.
А Серия чемпионлиги учун курашаётган икки клуб ўзаро музокара ўтказиб, муайян келишувга эришди. Унга кўра, туринликлар 26 ёшли ҳужумчи учун 50 миллион евро тўлайди. “Наполи” пандемиянинг клуб иқтисодиётига таъсирини юмшатиш учун етакчи футболчиларини сотиш сиёсатини қўлламоқда.
Шунинг учун ҳам неаполликлар асосий рақобатчисининг таклифини рад эта олмади.
2016 йилда “Аякс”дан “Наполи”га олиб келинган Милик жорий мавсумда 16 та ўйинда тўққизта гол урди.
Фикрлар