"Насаф" биринчи, "Нефтчи" ва "Пахтакор" иккинчи...

Ўзбекистон Суперлигаси 20-туридан ўрин олган баҳсда "Нефтчи" пойтахтда "Локомотив"ни мағлуб этди, 3:1.

Шу тариқа фарғоналиклар иккинчи даврада жамғарилган очколари сонини 14 тага етказиб олди. Бу борада Левченко шогирдлари фақатгина турнир жадвали пешқадами "Насаф"дан ортда бормоқда.

Шунингдек, "йўлбарслар"нинг статистикаси амалдаги чемпион "Пахтакор" билан тенг. Ҳаттоки, жамоалар тўплар фарқи бўйича ҳам +5 натижасини кўрсатиб турибди.

Виталий Левченко шогирдлари кейинги учрашувни "Олимпик" клубига қарши ўтказади. Учрашув 8 октябрь куни Тошкентдаги "Жар" стадионида бўлиб ўтади.

"Нефтчи" матбуот хизмати