"Насаф" майдонида йирик ҳисобда ютқазган Арвеладзе мағлубиятга қандай изоҳ берди?

Coca Cola Суперлигаси 24-туридан ўрин олган учрашувда "Насаф" ўз уйида "Пахтакор"ни тор-мор келтирди. Ўйиндан кейин ташкил этилган матбуот анжуманида "шерлар" бош мураббийи Шота Арвеладзе ўйин ҳақидаги фикрлари билан ўртоқлашди:

"Ғалаба билан мезбонларни табриклайман. Ҳамиша "Насаф" билан ўйинлар қизиқ кечади. Бу ерда яхши майдон, ажойиб муҳит бор. Биз бир неча вазиятларни юзага келтирдик, аммо улардан фойдалана олмадик. Зарбаларни ноаниқ йўлладик.

Рақиб сафида барча яхши ҳаракат қилди, фақат дарвозага аниқ зарба беришда муаммолар бўлди. Чемпионликка эришиб бўлганимиз "Насаф"нинг ҳаракатларига соя солмайди. Улар жуда яхши ўйнди. Олдинда бизни Кубок баҳслари кутмоқда. Ўзимиз қатнашаётган мусобақаларда ғолиб чиқишга интиламиз. Ўзбекистон Кубогида мавсум мобайнида ўзимиз кўрсатгандек чиройли ва сифатли футбол намойиш қилишга уринамиз".