"Насаф" Наманганда "Навбаҳор"ни ютишга қийналади ёхуд супер ўйин олдидан превью

"Навбаҳор" жорий мавсумнинг илк баҳсини ўз майдонида Қаршининг “Насаф” клубига қарши ўтказади.

Мазкур жамоалар шу кунгача миллий чемпионатимиз тарихида ўзаро 50 марта рўбарў келган. Ушбу ўйинларнинг 22 тасида “аждарлар”нинг қўли баланд келган бўлса, 13 та учрашувда “лочинлар” ғалаба қозонган,  15 та баҳсда эса жамоалар муроса кўчасини танлаган. Тўплар нисбати – 79-66, “Насаф” фойдасига.

Ўзаро учрашувларда “Насаф” 81 очкони,  “Навбаҳор” эса 54 очкони қўлга киритган. Ушбу клублар ўртасидаги ўйинлардаги энг йирик - 6:0 ҳисоби  Наманган ва Қаршида қайд этилган. 

“Навбаҳор” ҳамда “Насаф” жамоалари бунгача Наманганда 25 марта куч синашган. Мазкур баҳсларнинг 9 тасида наманганликлар зафар қучишган бўлса, 12та учрашувда дуранг қайд этилган, 4та ўйинда эса қаршиликлар ғалаба қозонган. 

Наманганда ўтказилган ўзаро учрашувларда “лочинлар” “Насаф” дарвозасини 43 марта ишғол этган бўлса, “аждарлар” “Навбаҳор” дарвозасига  25та тўп киритган.

Эслатиб ўтамиз, “Навбаҳор” – “Насаф” учрашуви 3 март куни Намангандаги “Марказий” ўйингоҳида соат 18:30 да бошланади.

“Навбаҳор” ПФК матбуот хизмати.