"Насаф" ўз тарихида нечанги бор финалга чиққанини биласизми?

Қаршининг "Насаф" клуби ўз майдонида АГМКни мағлуб этиб, Ўзбекистон Кубоги финалига йўл олди.

"Аждарлар" бунгача 7 бор ушбу вазифани уддалаган бўлиб, шулардан иккитасида бош совринни қўлга киритган. 2015 йилга тўғри келади. Ўшанда Бердиев шогирдлари ҳал қилувчи беллашувда "Бунёдкор"ни 2:1 ҳисобида мағлуб этганди.

Шунингдек, қаршиликлар ўтган йилги финалда ҳам зафар қучган. Самарқанд мезбонлик қилган тўқнашувда чемпион "Пахтакор"ни ютган "Насаф" футболчилари ўз тарихида иккинчи бор кубокни боши узра баланд кўтарган.

Эслатиб ўтамиз, бу сафарги финал 30 октябрь куни Бухоро шаҳрида ўтказилади. Унда "аждарлар"га қарши майдонга тушадиган иккинчи клуб номи "Навбаҳор" - "Сўғдиёна" баҳсида аниқланади.