"Nasaf" ustozi : "Bekobodliklarning o‘yin uslubiga tayyor edik"

Superliganing 10-turidan o‘rin olgan "Metallurg" - "Nasaf" bahsi yakunlandi. Uchrashuv mehmonlarning 1:2 hisobidagi g‘alabasi bilan yakunlandi.

Uchrashuvidan so‘ng qarshiliklar murabbiyi Shuhrat Toshpo‘latov o‘z fikrlarini bildirib o‘tdi.

“Kurashlarga boy urashuv bo‘ldi. Gollar va qizir kartochkaga guvoh bo‘ldik. “Metallurg” o‘z maydonida doim tartibli harakat qiladi. Tezkor gol o‘tkazib yuborganimiz rejamizni buzib yubordi. Shunga qaramasdan, o‘tkazib yuborilgan goldan himoyada tartibli o‘ynadik va hujumdagi imkoniyatlardan unumli foydalandik. Yigitlar xarakter ko‘rsatishdi va irodali g‘alabaga erishdik.

Yangi murabbiy qo‘l ostida “Metallurg”ning o‘yin sxemasida o‘zgarish bo‘lmagan. Jamoa 3 nafar markaziy himoyachi bilan to‘p tepmoqda. Bekobodliklarning o‘yin uslubiga tayyor edik.

Birinchi bo‘limda ikkita qulay imkoniyatni golga aylantira olmadik. Ikkinchi taymda 10 kishi qolgan bo‘lsak ham jamoamiz jipslashgan holda kerakli natijaga erishdik”, – dedi Toshpo‘latov.