"Навбаҳор" Бразилия клубини доғда қолдирди

Ўқув-машғулот йиғинини Туркияда олиб бораётган "Навбаҳор" бугун навбатдаги назорат баҳсини Бразилиянинг “Мауэнсе” жамоасига қарши ўтказди.

Мазкур ўйинда “Навбаҳор” бош мураббийи Самвел Бабаян қуйидаги футболчиларни майдонга туширди: Озодбек Маърупов, Филип Иванович, Достонбек Абдулҳаев, Иброҳим Йўлдошев, Алижон Алижонов, Азимжон Аҳмедов, Аброрбек Исмоилов, Озодбек Ўктамов, Наврўзбек Иминжонов, Гиорги Никабадзе, Шодиёр Шодибоев.

Захирадан майдонга тушганлар: Тома Табатадзе, Сияваш Ҳақназари, Русланбек Жиянов, Асадбек Собиржонов, Йован Жокич.

Ушбу беллашувда “лочинлар” 2:0 ҳисобида ғалаба қозонишди. Голларга Сияваш Ҳақназари ва Русланбек Жияновлар муаллифлик қилишди.

Таъкидлаш жоизки, жамоалар танаффусга 0:0 ҳисобида чиқиб кетганди. Голлар эса 2-бўлимда, захирадан майдонга туширилган футболчилар томонидан урилди.

“Навбаҳор” ПФК матбуот хизмати.