"Навбаҳор" бразилиялик ҳимоячини ўз сафига қўшиб олди

Наманганнинг "Навбаҳор" жамоаси навбатдаги трансферни эълон қилди. "Лочинлар" Гилерме Гедешни ўз сафига қўшиб олди.

"Бразилиялик ҳимоячи Гилерме Гедеш “Навбаҳор” билан шартнома имзолади. Гилерме Гедеш 1999 йил,18 май куни Бразилиянинг Порту-Алегри шаҳрида туғилган. Фаолияти давомида Бразилиянинг “Понте Прета” (Кампинас), “Гремио” (Пелотас), “Шапекоенса” (Шапеко), “Жувентуде” (Кашиас-ду-Сул), “Ипиранга” (Эрешин) жамоаларида тўп тепган.

Ўтган мавсумда эса Бразилиянинг “Америка-РН” (Натал) жамоасида ўйнаган. Гилерме Гедеш  Бразилия –У-20 ҳам тўп тепган. Умид қиламизки, бразилиялик ҳимоячи ўзининг чиройли ўйинлари билан жамоамизнинг муваффақиятларига муносиб ҳиссасини қўшади", - дея хабар берди "лочинлар" клуби матбуоти.