“Навбаҳор” эртага қайси жамоа билан ўйнайди?

Туркиянинг Белек шаҳрида янги мавсумга тайёргарлик кўраётган “Навбаҳор” эртага – 13 февраль куни Латвиянинг “Валмиера” клубига қарши назорат ўйини ўтказади. Бу ҳақда клуб матбуот хизмати хабар берди.

Маълумот учун: “Валмиера” Латвия Олий лигаси иштирокчиси ҳисобланади. 2020 йилги чемпионат якунларига кўра, мазкур жамоа 3-ўринни эгаллаган. Латвия кубогининг ўтган мавсумида ярим финалга қадар етиб борган. Жамоа таркибида Латвия миллий терма жамоасига номзод футболчилар бор.

“Навбаҳор” 16 февраль куни яна бир назорат-синов ўйини ўтказишни режалаштирган. Шу куни "лочинлар"га Екатеринбургнинг “Урал” жамоаси рақиблик қилади.

Ушбу ўртоқлик ўйинлари орқали “Навбаҳор” мураббийлари ихтиёрларида бўлиб турган барча футболчиларнинг имкониятларини синовдан ўтказишни мақсад қилишган.