“Navbahor” ertaga qaysi jamoa bilan o‘ynaydi?

Turkiyaning Belek shahrida yangi mavsumga tayyorgarlik ko‘rayotgan “Navbahor” ertaga – 13 fevral kuni Latviyaning “Valmiera” klubiga qarshi nazorat o‘yini o‘tkazadi. Bu haqda klub matbuot xizmati xabar berdi.

Ma’lumot uchun: “Valmiera” Latviya Oliy ligasi ishtirokchisi hisoblanadi. 2020 yilgi chempionat yakunlariga ko‘ra, mazkur jamoa 3-o‘rinni egallagan. Latviya kubogining o‘tgan mavsumida yarim finalga qadar etib borgan. Jamoa tarkibida Latviya milliy terma jamoasiga nomzod futbolchilar bor.

“Navbahor” 16 fevral kuni yana bir nazorat-sinov o‘yini o‘tkazishni rejalashtirgan. Shu kuni "lochinlar"ga Ekaterinburgning “Ural” jamoasi raqiblik qiladi.

Ushbu o‘rtoqlik o‘yinlari orqali “Navbahor” murabbiylari ixtiyorlarida bo‘lib turgan barcha futbolchilarning imkoniyatlarini sinovdan o‘tkazishni maqsad qilishgan.