"Навбаҳор" "Сўғдиёна"га қарши ўйин олдидан мухлислар учун ажойиб янгиликни эълон қилди

Наманган вилояти ҳокими, вилоят футбол ассоциацияси президенти Шавкат Шокиржанович Абдураззоқовнинг ташаббуси билан “Навбаҳор” жамоаси мухлисларига ҳурмат тариқасида, қолаверса, қутлуғ Рамазон ойи совғаси сифатида 1 апрель куни бўлиб ўтадиган Суперлига 4-туридан ўрин олган “Навбаҳор” – “Сўғдиёна” учрашувига кириш бепул қилиб белгиланди.

"Лочинлар" матбуот хизмати мухлисларга 1 апрель кунги учрашувда “Марказий” ўйингоҳига ташриф буюриб, стадиондаги CIP сектордан ташқари, бошқа барча секторларга жойлашишлари мумкинлигини маълум қилди.

Эслатма: “Навбаҳор” – “Сўғдиёна” учрашуви 1 апрель куни соат 18:00 да бошланади.