"Навбаҳор": Тайёргарлик қизғин кечмоқда

Хабарингиз бор, "Навбаҳор" Суперлига 12-туридан ўрин олган баҳсда ўз майдонида “Металлург”ини қабул қилади. “Лочинлар” мазкур ўйинга жиддий тайёргарлик кўрмоқда.

Икки кунлик ҳордиқдан сўнг, жамоа аъзолари машғулотларни 16 июндан давом эттиришди. Осиё кубоги – 2023 саралаш баҳсларида Ўзбекистон ва Тожикистон терма жамоалари таркибларига жалб этилиб, жамоаларнинг мусобақа йўлланмасини қўлга киритишига муносиб ҳиссаларини қўшган футболчилар - дарвозабон Ўткир Юсупов, ҳимоячи Рустамжон Ашурматов ҳамда ярим ҳимоячи Эҳсони Паншанбе клуб ихтиёрига етиб келди ва машғулотларда иштирок этяпти. Бу ҳақда клуб матбуот хизмати хабар берди.

“Навбаҳор”нинг кечаги машғулоти ҳам Самвел Бабаян бошчилигидаги мураббийлар штаби қўл остида “Марказий” ўйингоҳ захира майдонида ўтказилди.

Эслатиб ўтамиз, “Навбаҳор” – “Металлург” баҳси 21 июнь куни Наманган шаҳридаги “Марказий” стадионида соат 20:00 да старт олади.