"Навбаҳор" Хебай учун курашдан чиқди. Сабаби маълум

Бир неча кун олдин Рубин Хебай "Навбаҳор" билан музокаралар ўтказаётгани борасида хабар бергандик. Томонлар деярли келишувга эришганди, лекин клубдан легионер трансфер таъқиқи олинмагани учун ушбу трансфер амалга ошмайдиган бўлди. 

Бизга маълум бўлишича, наманганликлар ПФЛ билан бу борада келишиб олишга ҳаракат қилди, лекин музокаралар ўз ниҳоясига етди ва таъқиқи олинмайдиган бўлди. 

Эслатиб ўтамиз, 25 ёшли ҳужумчи ўз вақтида "Андижон" билан Суперлигада ажойиб ўйинлар ўтказган. У клуб таркибида 27 та ўйинда майдонга тушиб, 14 та гол уришга муваффақ бўлди. Айни пайтда у клубга қайтиши мумкинлиги борасида яна миш-мишлар тарқалмоқда.