"Навбаҳор"дан яна бир янгилик: Намангандаги "Марказий" стадионда намозгоҳ ташкил этилади

Кўплаб мухлисларнинг илтимосларига биноан, “Навбаҳор” клуби ўз уй учрашувларини ўтказадиган Наманган шаҳридаги “Марказий” ўйингоҳ ҳудудида Наманган вилоят ҳокими, вилоят футбол ассоциацияси президенти Хайрулло Ҳайитбаевич Бозаров, Наманган шаҳар ҳокими, “Навбаҳор” ПФК президенти Шавкат Шокиржанович Абдураззақов, шунингдек, “Навбаҳор” ПФК раҳбарияти томонидан намозхонларга қулайлик яратиш мақсадида намозгоҳ ташкил этилади. Энди “лочинлар” ўз майдонларида ўйин ўтказадиган кунлари учрашувларнинг танаффуси пайтида мухлислар бемалол ўз ибодатларини бажаришлари мумкин бўлади. Бу ҳақда клуб матбуот хизмати хабар бермоқда.

Мазкур намозгоҳ 700 нафар кишига мўлжалланган. “Навбаҳор” ПФК раҳбарияти ЎФА ва ПФЛ талабларидан келиб чиққан ҳолда, мухлисларга қулайлик яратиш мақсадида кўплаб ишларни амалга оширишни режалаштирган. Намозгоҳ ташкил этиш ҳам шундай қулайликлардан биридир.

Эслатиб ўтамиз, бундан аввалроқ “Навбаҳор” жамоаси ўз уй учрашувларини ўтказадиган “Марказий” ўйингоҳга клубнинг рамзи бўлган лочин қуши монументи ўрнатилиши ҳақида ҳам хабар берилган эди.

Фикрлар

Фикр қолдириш учун авторизациядан ўтинг!
Usmonjon Anvarov
17/04/2019 11:26
Alhamdulillah Quqonda xam tashkil etilsa yaxshi bulardi