“Навбаҳор”ни бошқарган мураббий нега бунча ҳайратланмоқда?

Ўтган мавсумда “Навбаҳор”ни бошқариб, кейинчалик истеъфога чиқарилган россиялик таниқли мураббий Андрей Канчельскис ҳамюрти Александр Кокориннинг Италиядаги дебюти уни ҳайратга солганини билдирди.

- Кокориннинг майдонга тушгани ғалати бўлди. У қанча вақт майдондан ташқарида юрди. Таътил ва йиғинларни қўшиб ҳисоблаганда, бир ойдан ошиқ вақт мобайнида ўйин амалиётисиз қолди. Ундан бирор натижани бир ойдан кейин кутинг.

Ҳозир ундан супернатижаларни кутманг, ҳеч нарса қила олмайди. Унинг вазиятида бу нормал ҳолат.

Кокорин яқин келажакда “Фиорентина” етакчисига айланадими? Чиннигулнинг баргини юлиб, фол очиш мумкин. Албатта, ҳаммаси унинг истагига боғлиқ. Аслида мен унинг майдонга тушганидан ҳайратда қолдим. Бу раҳбариятнинг қарори бўлса керак.

Машғулотлардан узоқ юрган футболчини қандай қилиб, 20 дақиқа ўйнатиш мумкин. Бу кўргазмали ўйиндай бўлди. Биз ўйнаган собиқ иттифоқ пайтида айрим футболчилар мукофот пулига илиниши учун ўйиннинг охирги беш дақиқасида майдонга чиқарилар эди. Кокорин яхши ўйинчи, буёғи фақат унинг ўзига боғлиқ, - деди Андрей Канчельскис.

Фикрлар

Фикр қолдириш учун авторизациядан ўтинг!