"Навбаҳор"ни тарк этган легионер ўзига бошқа жамоа топди

Шу йилнинг ёзида “Навбаҳор” билан шартнома имзолаган қирғизистонлик ҳужумчи Мирлан Мурзоев кўп ўтмасдан жамоа билан хайрлашганди. У наманганликлар сафида Суперлиганинг фақат 3 та ўйинида майдонга тушган холос.

Мурзоев клубини тез-тез ўзгартирадиган ўйинчилар тоифасига киради.

Олинган маълумотларга қараганда, Мирлан “Навбаҳор”ни тарк этганидан кейин ўзига янги жамоа топди.

Бу сафар Ҳиндистон чемпионатида қатнашадиган Калькуттанинг “Мохаммедан” жамоаси аъзосига айланди. Мурзоев ушбу клубга эркин агент сифатида кўчиб ўтди.

Эслатиб ўтамиз, бунга қадар футболчи фаолияти мобайнида Ҳиндистоннинг бошқа бир клуби - "Ченнайн" жамоасида ҳам тўп сурган.