"Навбаҳор"нинг ҳам "Ахмат"га қарши ўйини бугун ўтказилмайди!

Хабарингиз бор, режага кўра, бугун "Навбаҳор"нинг Туркия йиғинидан ўрин олган навбатдаги ўртоқлик ўйини Россиянинг “Ахмат” (Грозний) жамоасига қарши бўлиб ўтиши лозим эди.

Аммо кечадан буён Туркияда тўхтовсиз ёмғир ёғаётганлиги ва ҳалигача тўхтамаётганлиги боис, ушбу беллашув жамоалар келишувига кўра, бугун ўтказилмайдиган бўлди. Бу хусусида ҳар иккала клуб матбуот хизмати хабар берди.

Олдинроқ эса Анталиядаги яна бир жамоамиз "Сўғдиёна"нинг бугунга белгиланган Косовонинг "Малишева"га қарши ўйини ҳам кучли ёмғир туфайли қолдирилганлиги тўғрисида сайтимиз орқали маълум қилгандик.