“Навбаҳор”нинг собиқ устози Гвардиола қўл остида малака оширмоқчи

“Навбаҳор”да бош мураббий бўлиб ишлаган россиялик мутахассис Андрей Канчельскис “Манчестер Сити” бош мураббийи Хосеп Гвардиола қўл остида малака оширишни режалаштирмоқда.

Яқинда Канчельскис ўзи ўйнаган клуб – “Манчестер Юнайтед”да малака ошириш имконияти чеклангани, чунки нидерландиялик бош мураббий Эрик тен Хаг ўз машғулотларини ёпиқ тарзда олиб боришини таъкидлаган эди.

- Билишимча, Хосеп Гвардиола Эрик тен Хаг сингари ҳамма нарсани яширадиган мураббий эмас. Эрик ҳамма нарсани ёпиқ сақлайди, нидерландияликлар ғалати бўлади.

Менга Гвардиола машғулотларига қўшилиш ва бу жараённи бевосита ккзатиш қизиқ, - деди Андрей Канчельскис.