"Нефтчи" - "Қўқон-1912" ўйини тақдирини биргина гол ҳал этиб берди

Ўзбекистон Суперлигаси дастлабки тури доирасидаги "Нефтчи" - "Қўқон-1912" учрашуви якунига етди. Унда номинал мезбонлар 1:0 ҳисобида зафар қучди.

Ўйин тақдирини Шаҳзод Убайдуллаевнинг 89-дақиқада пенальтидан киритган голи ҳал этиб берди.

Шу тариқа, бугун туғилган кунини нишонлаётган ҳужумчи мавсумдаги илк гол, "йўлбарслар" эса дастлабки ғалаба муаллифига айланди.

• 90+6'
  

  Учрашув якунланди. "Нефтчи" Суперлигага қайтишини ғалаба билан нишонлади!

• 90+5'

  Мурод Холмуҳаммедовнинг стандартдан йўллаган зарбасига аниқлик етишмади.

• 90+3'

  Қўқонликлар катта куч билан олдинга ташланмоқда.

• 90+2'
  

  Шаҳзод Убайдуллаев яна бир гол урди. Аммо тўп қўл билан ўйналгани туфайли рефери уни инобатга олмади.

• 90'
  

  Ўйиннинг асосий вақтига 6 дақиқа қўшилди.

• 89'
  

  ГООООООООООЛ! Учрашувда ҳисоб очилди!

  Нуқта қаршисига келган Убайдуллаев дарвозабонга имконият қолдирмади.

• 88'
  

  Узоқ муҳокамадан сўнг ҳакам пенальти белгилади.

• 86'

  Рисқуллаев ёрдамчиларини узоқ тинглаганидан сўнг видеотакрорни ўзи кўриш учун майдон четига йўл олди.

• 84'

  Александр Ешич жарима майдони ичида йиқилиб тушди. Ҳакам ВАРга қулоқ солмоқда.

• 83'
  

  Ойбек Рустамов огоҳлантирилди.

• 82'

  Футболчилар асабларини бироз жиловлаб олиши лозим. Ҳакам вазиятга аралашди.

• 80'
  

  Азимовнинг зарбасидан сўнг Акбар Тўраев жамоасини муқаррар голдан сақлаб қолди.

• 78'

  Сидиқовдан пас қабул қилиб олган Ҳасанов ҳужумни давом эттира олмади.

• 76'
  

  Ашурматов ҳам ўзгариш амалга оширди. Мўмин Мелиевнинг ўрнига Шаҳзодбек Нурматов ўйинга қўшилди.

• 75'
  

   Иззатилла Абдуллаев ўрнига Шаҳзодбек Убайдулаев майдонга туширилди.

• 73'

  Стадионга йиғилган томошабинлар ўз суюклиларини тинимсиз қўллаб-қувватлаб турибди. Бироқ ҳозирча голдан дарак йўқ.

• 70'
  

  Билолхон Тошмирзаевнинг ўрнига Жамшид Хасанов майдонга тушди.

• 69'

  Қувондиқ Рўзиевнинг уринишига аниқлик етишмади.

• 69'
  

  Бурчакдан етказиб берилган тўпни Абдуллажонов эгаллаб, қарши ҳужумни бошлаб берди.

• 67'

  Билолхон Тошмирзаевга тиббий ёрдам керакка ўхшайди. У майдонда ётибди.

• 65'
  

  Мўминжонов 3 та ўзгариш амалга оширди: Ойбек Қиличев, Улуғбек Хошимов ҳамда Аббос Ғуломов ўрнига Марко Шарич, Сирожиддин Қўзиев ва Суннатулло Абдуллажонов майдонга туширилди.

• 62'

  Жарима майдони марказига етказилган тўпга Ғуломов зарба бера олмади. Қулай имконият қўлдан кетди.

• 60'

  Мўминжонов шогирдлари рақибни тўпсиз қолдириш эвазига вазиятни ўз томонига оғдиришга уриняпти.

• 58'

  "Шунқорлар" рақибни жарима майдонига "қамаб қўймоқда".

• 56'

  Кутилмаганда, иккинчи таймда кичик устунлик қўқонликлар томонда бўлиб турибди.

• 54'

  Майдондаги футболчилар орасида "Қўқон-1912" юлдузи Жавоҳир Сидиқов ўз ҳаракатлари билан ажралиб турибди.

• 52'

  Ўйин майдон марказида кечмоқда.

• 50'

  Футболчилар яккакурашларда ўзини ҳам, рақибни ҳам аяб ўтирмаяпти. Тўқнашувлар тез-тез юзага келмоқда.

• 48'

  Қўқонликлар тўп назоратига урғу бермоқда.

• 46'
  

  Иккинчи бўлимга старт берилди.

• 46'

  Футболчилар майдонга қайтди. Навбат бизники!

• 45+2'
  

  Биринчи таймда ҳисоб очилмади. Танаффус!

• 45+1'

  Дарвозабоннинг олдинга чиқиб кетганидан фойдаланишга ҳаракат қилган Холмуҳаммедов зарба ижросида хатога йўл қўйди.

• 45'
  

  Аҳрол Рисқуллаев биринчи бўлимга 2 дақиқа қўшиб берди.

• 44'

  Бўлим сўнгида Ашурматов шогирдлари бироз фаолликни оширди.

• 42'

  Мезбонлар ўта қулай имкониятдан фойдалана олмади. Ҳозиргина ўйинга қўшилган Ешич яқин масофадан ноаниқ зарба йўллади.

• 41'
  

  Лутфулла Тўраев жароҳат олди, чоғи, унинг ўрнига Александр Ешич майдонга тушди.

• 40'

  Мўминжонов шогирдлари эрта прессинг уюштирмоқда. Натижада, тўп олиб қўйилди.

• 39'
  

  "Нефтчи" футболчиси ўйиндан ташқари ҳолатда қолиб кетди.

• 37'

  Жавоҳир жамоаси ҳужумини зарба билан якунлади. Тўп йўлига ҳимоячилар ғов бўлди.

• 35'

  Мирзоҳид Ғофуров қўполлик ишлатмаганини таъкидлаб, ҳакамга эътироз билдирмоқда.

• 34'

  Қиличевнинг узатмаси муваффақиятсиз чиқди.

• 33'
  

  Футболчилар бироз қўпол ҳаракат қила бошламоқда. Бу сафар Йосович огоҳлантирилди.

• 32'

  Мурод Холмуҳаммедовнинг зарбасига аниқлик етишмади.

• 31'

  Сидиқов ва Анвар Ғофуров ўзаро тўқнашиб кетган экан. Рисқуллаев қўқонликлар фойдасига жарима тўпи белгилади.

• 29'
  

  Майдон марказида икки футболчи тўқнашиб кетди. Шифокорлар майдонга тушиб келди.

• 27'

  Рақиб жарима майдони ичида бир рақибидан ўтган Исмоилов тўпни ўзидан узоқлаштириб юборди. Вазият яқинида турган ҳимоячилар хавфни бартараф этди.

• 25'
  

  Сидиқовни йиқитган Стойковичга сариқ карточка кўрсатилди.

• 23'

  Тайм экваторига келиб, баҳс тенг курашлар остида давом этмоқда.

• 22'

  Ашурматов шогирдлари тўп назоратини қўлга олишга ҳаракат қиляпти.

• 20'

  Жарима майдони яқинида "йўлбарслар" стандарт вазиятга эга бўлди.

• 19'

  Учрашув кескин курашларга бойиб бормоқда

• 17'
  

  Хавфли ўйин учун Аббос Ғуломовга сариқ карточка кўрсатилди.

• 16'

  Иван бу сафар ҳимояда анча ишончли ўйнаб, рақиб ҳужумини бартараф этди.

• 15'

  Йосович марказда тактик фол ишлатди. Ҳакам оғзаки огоҳлантириш билан чекланди.

• 13'

  Меҳмонлар чап қанотдан олдинга ўтди. Жарима майдонига оширилган тўпга дарвозабон эга чиқди.

• 11'

  Лутфулла Тўраевнинг зарбасидан сўнг Абдуллаев жамоасини голдан сақлаб қолди.

• 9'

  Нейтрал майдон - Яйпандаги "Ўзбекистон" ўйингоҳига жам бўлган мухлислар футболчиларни тинимсиз қўллаб-қувватламоқда.

• 8'

  Номинал меҳмонларнинг икки футболчиси ўзаро тўқнашиб кетди.

• 7'

  Қўқонликлар рақиб жарима майдонига киришда катта қийинчиликка дуч келяпти.

• 5'

  Фарғоналиклар тўп назоратини қўлга олиш учун ҳаракатни бошлаб юборди.

• 4'

  Жарима майдонига оширилган тўпни дарвозабон иккинчи уринишда ушлаб олди.

• 3'

  Номинал мезбонлар стандарт вазиятга эга бўлди.

• 1'
  

  Учрашувга старт берилди!

• 0'

  Ўзбекистон Республикаси мадҳияси янграмоқда!

• 0'

  Фарғона вилояти ҳокими Ҳайрулла Бозаровнинг нутқи билан Ўзбекистон Суперлигаси 2022 йилги мавсуми очиб берилди.