"Нефтчи" сафида Туркия йиғинига кетган футболчилар рўйхати маълум. Унда Шахзод Убайдуллаев йўқ

Янги мавсумга пухта ҳозирлик кўраётган "Нефтчи" клуби аъзолари бугун эрталаб Тошкент-Истамбул авиа қатнови орқали тайёргарликнинг иккинчи босқич жараёнида иштирок этиш учун Туркиянинг Анталия шаҳрига жўнаб кетишди.

Сафарда бўлиб ўтадиган иккинчи босқич жараёнида қатнашиш учун Виталий Левченко қўл остидаги мураббийлар штаби қуйидаги футболчиларни жалб этди:

Акбар Тўраев, Шуҳратилло Раҳмонов, Абдуллоҳ Олимов, Муҳсин Убайдуллаев, Суннатилла Абдуллажонов, Лутфулла Тўраев, Дониёр Валиев, Фаҳриддин Муҳаммадов, Фозил Мусаев, Умар Адҳамзода, Улуғбек Ҳошимов, Мирзоҳид Ғофуров, Анвар Ғофуров, Нодирхон Неъматхонов, Олексей Ларин, Андрей Мишенко, Нурилло Тўхтасинов, Аббос Ғуломов, Диёр Туропов, Зоир Жўрабоев, Тома Табатадзе.

Маълумот ўрнида, Туркиядаги йиғинлар доирасида кўрикдан ўтиш учун машғулотларга янги футболчиларни таклиф этиш кўзда тутилган, - дея хабар бермоқда "Нефтчи" матбуот хизмати.

Таркибга эътибор қаратсангиз, унда ҳужумчи Шаҳзод Убайдуллаев йўқ. Ўтган йили "Нефтчи"да тўп сурган футболчи жамоанинг янги мавсум учун йиғинида ҳам иштирок этаётганди. Бироқ Туркияга йўл олган таркибдан тушиб қолган. Тез орада вазиятга ойдинлик киритилади.