"Нефтчи" собиқ футболчиси жамоага мураббий сифатида қайтиб келди (фото)

"Нефтчи" собиқ футболчиси Иқболжон Акрамов клубга мураббий сифатида қайтиб келди. Бу ҳақда "йўлбарслар" матбуот хизмати хабар берди.

Ушбу ташаббус Фарғона шаҳар ҳокими Восилжон Назаров ва клуб бош директори Мухсинжон Меҳмонов томонидан илгари сурилган. Акрамов эндиликда "Нефтчи" U-21 бош мураббийи Азиз Алижоновга ёрдамчи мураббий сифатида иш бошлайди. 

Маълумот ўрнида, "Нефтчи" U-21 жамоаси айни пайт чемпионатда ортда қолган 13 турдан сўнг 13 очко жамғарган. Клуб жадвалнинг 11-поғонасини банд этган.