Шомуродов гол урган, Файзуллаев пенальти ишлаб берган ўйинда неча балл олди?

Туркия Суперлигасининг 23-турида "Истанбул Башакшеҳир" сафарда "Аланяспор"ни 2:1 ҳисобида мағлуб этди.

Мазкур учрашувда ҳамюртларимиз Элдор Шомуродов ва Аббосбек Файзуллаев асосий таркибда майдонга тушди. Файзуллаев ишлаб берган пенальтини Шомуродов голга айлантириб, жамоасининг иккинчи голига муаллифлик қилди.

Футболчиларимиз ўйини қатор статистик порталлар томонидан баҳоланди. Жумладан, SofaScore Элдор Шомуродовга 6,7 балл, Аббосбек Файзуллаевга эса 7,1 балл қўйди. FotMob портали ҳар икки футболчини 7,5 баллга лойиқ деб топди. Flashscore эса Шомуродовга 7,1 балл, Файзуллаевга 7,2 балл берди.

Маълумот учун, Нури Шаҳин шогирдлари кейинги турда "Коньяспор"га қарши майдонга тушади.