"Нефтчи" Тошмирзаев ва икки нафар мураббий билан шартномани узайтирди

Фарғонанинг “Нефтчи” клуби нафақат янги футболчилар, балки таркибдаги мавжуд ўйинчилар билан ҳам шартномалар узайтирилмоқда.

Жумладан, истеъдодли ярим ҳимоячи Билолхон Тошмирзаев билан келишув узайтирилди ва у 2024 йилги мавсумни ҳам “Нефтчи” таркибида ўтказади.

Бундан ташқари, мураббийлар штаби вакиллари билан ҳам шартномалар узайтирилмоқда. Жисмоний тайёргарлик бўйича мутахассис Анвар Норқулов ҳамда дарвозабонлар мураббийи Фарруҳ Бердиев 2024 йилги мавсумда ҳам “Нефтчи”даги фаолиятини давом эттирадилар.