"Нефтчи" уй учрашувларини ўтказадиган "Истиқлол" стадионининг ҳозирги ҳолатини кўрдингизми? (фото)

Хабарингиз бор, Фарғонанинг "Нефтчи" клуби уй учрашувларини Яйпандаги "Ўзбекистон" стадионида ўтказмоқда.

Боиси, жамоа ўз майдонини реконструкция қиляпти. Фарғоналиклар матбуот хизмати тарқатган хабарга кўра, ишлар бошлаб юборилган ва жадаллик билан олиб борилмоқда. "Фарғонанинг асосий спорт мажмуаси ҳисобланмиш" Истиқлол" марказий ўйингоҳида таъмирлаш ишлари бошлаб юборилган ва ҳозирги кунда майдонни янгилаш мақсадида янги экилган майса уруғлари чиройли ҳолатга келтирилган. Ундан ташқари, майдон атрофида жойлашган югуриш йўлакчалари ҳам қaйта таъмирланмоқда.

Футбол майдонини суғориш учун Европа стандартларига мос келадиган қурилмалар ўрнатилиши ҳам режадан ўрин олган",— дея хабар беради стадион маъмурияти.