"Нефтчи" халқаро ўртоқлик ўйини ўтказади

Виталий Левченко бош мураббийлигидаги "Нефтчи" жамоаси 11 октябрдан бошлаб, тайёргарлик жараёнига киришади.

Суперлигада юзага келган танаффус пайтида мураббийлар штаби футболчиларнинг ўйин амалиётини узлуксиз таъминлаш мақсадида ўртоқлик назорат беллашуви ўтказиш режалаштиришган бўлиб, октябрь ойининг 15 санасида "Нефтчи" Қирғиз Республикаси Премьер лига вакили Ўшнинг "Алай" жамоаси билан куч синашади. Бу ҳақда клуб матбуот хизмати хабар берди.

Манбанинг маълум қилишича, ушбу баҳс Фарғона шаҳридаги "Истиқлол" стадионида ўтказилади, учрашув соат 18:00да бошланади.