"Neftchi"ga qarshi o‘yin oldidan OKMK safida 2 ta jiddiy yo‘qotish bor
Ertaga O‘zbekiston Superligasi 4-tur bahslariga start beriladi. OKMK navbatdagi uchrashuvni Farg‘ona shahrida maxalliy «Neftchi» klubiga qarshi o‘tkazadi.
Bugun OKMK jamoasi Farg‘ona shahriga yo‘l oldi. Klub matbuot xizmatining xabar berishicha, tarkibda 2 ta jiddiy yo‘qotish bor. Jarohati tufayli himoyachi Vitaliy Denisov hamda yarim himoyachi Mirjamol Qosimov jamoa bilan birga Farg‘onaga safarga borishmagan.
O‘z navbatida O‘zbekiston U-20 terma jamoa yig‘inidan qaytgan Nodir Abdurazzoqov OKMK safiga qo‘shildi hamda asosiy tarkib bilan Farg‘onaga jo‘nab ketdi.
Eslatib o‘tamiz, 4-turning markaziy o‘yini hisoblangan «Neftchi» - OKMK bahsi ertaga soat 18:00 da boshlanadi.
Fikrlar