"Нефтчи"га қарши ўйинда "Турон"га ким мураббийлик қилиши ойдинлашди

Хабарингиз бор, яқинда “Турон” клуби раҳбарияти қониқарсиз натижалар сабабли бош мураббий сифатида ишлаб келаётган Бахтиёр Ашурматовни истеъфога чиқардилар.

Бугун яйпанликлар Фарғонада “Нефтчи”га қарши дерби баҳсида иштирок этадилар. Лекин ҳали янги бош мураббий тайинлангани йўқ. Шу боисдан “Нефтчи”га қарши учрашувида “Турон”га ким мураббийлик қилишb мавҳум бўлиб турганди. Бу масалада клуб матбуот хизмати расмий баёнот берди:

“Бугун бўлиб ўтадиган Фарғонанинг «Нефтчи» клубига қарши баҳсда жамоамизни клубимиз академиясида ишлаб келаётган ёш мутахассис Миржалол Жўраев майдонга бошлаб тушади.

Ўйин якунида ташкил этиладиган матбуот анжуманида клуб бош директори Абдуваҳоб Аҳмадалиев иштирок этади”, - дейилади хабарда.