"Нефтчи"ни яна қатор ўйинчилар тарк этди

Хабарингиз бор, Виталий Левченко  бошчилигидаги "Нефтчи" жамоаси Тошкентда ўқув-йиғин машғулотларини давом эттирмоқда. Янги мавсумга тайёргарликнинг биринчи босқич жараёнига бир неча  футболчилар таклиф этилган. Пойтахтда олиб борилаётган йиғинларда асосий эътибор ёшларга  берилиб, улардан саралангани асосий таркибга жалб қилиниши кўзда тутилган.

Ўтган мавсумда "Нефтчи"да фаолият юритган Дарко Станоевич, Машҳурбек Муҳаммаджонов, Саламат Қуттибоев ҳамда Ойбек Қиличевлар жамоани тарк этишди. 

Суперлига мусобақаларида "Нефтчи" шарафини ҳимоя қилишда қўшган муносиб ҳиссалари учун мазкур футболчиларга миннатдорчилик билдириб,келгуси фаолиятларига омадлар тилаб қоламиз, - дейилади "Нефтчи" ПФК матбуот хизмати тарқатган хабарда.

Эслатиб ўтамиз, бундан аввал жамоа ярим ҳимоячиси Сирожиддин Қўзиевнинг Малайзия клубига ўтгани тўғрисида ҳам сайтимиз орқали маълумот бергандик. Тез орада ушбу футболчи билан ташкил этилган суҳбатни Sports.uz орқали ўқишингиз мумкин.