"Neftchi"ning Antaliyadagi salkam 50 kunlik yig‘ini yakunlandi

Kecha "Neftchi" klubi Antaliya yig‘inidagi so‘nggi o‘yinlarini bir kunda o‘tkazdi.

Dastlab Moldovaning "Milsam" jamoasiga qarshi bahsda farg‘onaliklar 1:0 hisobida g‘alaba qozonishdi. Yagona gol Toma Tabadatze hisobiga yozildi. Ikkinchi uchrashuvda esa Vitaliy Levchenko jamoasi Qozog‘istonning "Ordabasi" klubiga 0:3 hisobida imkoniyatni boy berdi.

Shunday qilib, farg‘onaliklarning Antaliyadagi tayyorgarligi yakunlandi. 6 yanvardan 23 fevralgacha jamoa  Rossiya, Qozog‘iston, Gruziya, Serbiya , Ruminiya, Kosova, Shimoliy Makedoniya va Moldova davlatlarining futbol jamoalariga qarshi jami 12 ta klub bilan o‘rtoqlik bellashuvlari o‘tkazib, ularning 7 tasida g‘alaba qozongan bo‘lsa, 4 tasini durang va 1 tasini mag‘lubiyat bilan yakunladi.

Eslatib o‘tamiz, "Neftchi" yangi mavsumning dastlabki uchrashuvini  8 mart kuni Toshkent shahrida  "Bunyodkor" jamoasiga qarshi maydonga tushadi.