"Нефтчи"нинг Суперлига биринчи даврасидаги статистикаси қандай бўлди?

"Нефтчи” биринчи давра мобайнида ўтказилган 13 учрашувнинг 6 тасини ўз майдонида, 7 учрашувни эса сафарда ўтказди.

Бўлиб ўтган учрашувларнинг 5 тасида ғалаба, 4 тасида дуранг ва 4 учрашувда мағлубиятга учради. Нефтчилар рақиблар дарвозасига 13 та тўп киритиб, ўз дарвозаларидан 11та гол ўтказиб юборди. Жамоа 2 марта пенальти тепиш имконига эга бўлди. Шунингдек, 1 марта  дарвозаси томон пенальти белгиланди. Ўтказилган ўйинларда фарғоналиклар ҳимоячиси Мухсин Убайдуллаев томонидан автогол қайд этилган. 
"Нефтчи " ўйинчилари 37марта ҳакамлар томонидан огоҳлантирилди, ярим ҳимоячи  Зоир Жўрабоев эса 1 марта қизил карточкага лойиқ деб топилди.

Қўлга киритилган 5та ғалабанинг 2 таси уй учрашувларида, 3таси эса сафар учрашувларида қўлга киритилди. Сафарда бўлиб ўтган 7 учрашувнинг 3тасида ғалаба, 3тасида мағлубият ва 1таси дуранг билан якунланган. 
Биринчи давра учрашувларида жамоанинг  энг йирик  ғалабаси  10-турда қайд этилди. "Бунёдкор" - "Нефтчи" 0:3.

"Нефтчи" футболчилари уй учрашувларида 6 та гол киритиб, сафардаги баҳсларда эса рақиблар дарвозасини 7 марта ишғол этишди. Дарвозабонлар уй учрашувларида ўзлари қўриқлаган дарвозалардан 6та тўп олиб чиқишди. Сафар учрашувларида эса 5та гол ўтказиб юборилган. Тўпланган 19 очконинг 9 таси уй учрашувларида, 10таси сафардаги учрашувларда қўлга киритилди. Бўлиб ўтган учрашувларда жамоа таркибида майдонга тушган энг ёш ўйинчи — хужумчи Бехрух Облакулов бўлди, 20 ёш. Ёши катта ўйинчи эса ўтган мавсумдагидек химоячи  Мирзохид Ғофуровлар бўлди. Майдонда энг кўп вақт ўтказган ўйинчи Аббос Ғуломов бўлиб чиқди. Футболчи майдонда 1052 дақиқа мобайнида ҳаракат қилган бўлса, ундан кейинги кўрсаткич Анвар Ғофуров бўлди футболчи майдонда 1075 дақиқа ҳаракат қилди. 
Биринчи даврада мураббийлар 23 нафар футболчи хизматидан фойдаланди. Улардан 2 нафари дарвозабон, 9 нафари ҳимоячилар, 6 нафари ярим ҳимоячилар ва 6 нафари ҳужумчилар. 

Шунингдек, "йўлбарслар" биринчи даврада "Истиқлол" стадионида олтита уй учрашувларини ўтказишди. Унда жами 133570 мухлис иштирок этди. Бу эса, ҳар ўйинга 13357 мухлис ташриф буюрди дегани ва бу натижа Ўзбекистон Суперлигасидаги энг яхши иккинчи кўрсаткич ҳисобланади

Жамоанинг энг яхши тўпурари Эффионг Нсунгуси бўлиб турибди. Унинг хисобига 4 та гол ёзилди. Ярим химоячи Санжар Қодирқулов ва ҳимоячи Зоир Жўрабоевлар ҳакамларнинг энг кўп назарига тушган футболчилар ҳисобланади. Уларга 4тадан карточкалар кўрсатилган.