Неймар: "Агар футбол индивидуал спорт тури бўлганида, ҳозиргача барча мақсадларимга эришган бўлардим"

Бразилия терма жамоаси ва ПСЖ ҳужумчиси Неймар, агар футбол жамоавий ўйин бўлмаганида, барча чўққиларни забт этишни таъкидлади.

"Агар футбол индивидуал спорт тури бўлганида, ҳозиргача барча мақсадларимга эришган бўлардим. Баъзан ўз манзилимга йўлланган танқидларни ёқтирмайман, чунки бу менинг шахсий ҳаётим ва мен хоҳлаганимни қиламан", - дея ҳужумчининг сўзларини келтиради "Band Sports".

31 ёшли ҳужумчи 2017 йилнинг ёзидан буён парижликлар сафида ҳаракат қилмоқда. Унинг ПСЖ билан шартномаси 2025 йилнинг июнь ойи охиригача амал қилади. Айни пайтда унинг трансфер нархи 70 миллион евро.