Неймар "Барселона"га қарши ўйнамайди

Франция кубогининг 1/32 финал босқичидан ўрин олган “Кан”га қарши ўйинда жароҳат олган ПСЖ ҳужумчиси Неймар бугун чуқурлаштирилган тиббий кўрикдан ўтказилди.

L’Equipe нашри тарқатган хабарга қараганда, бразилиялик юлдуз ЕЧЛ 1/8 финалидан ўрин олган “Барселона”га қарши ўйинларни ўтказиб юборади.

Неймар жорий мавсум ПСЖ сафида жами 18 та ўйинда майдонга тушди ва  ҳисобига 13 та гол ҳамда 6 та голли узатма ёздириб қўйди.

ПСЖ ва "Барселона" жамоалари ўртасидаги дастлабки ўйин 17 февраль куни, жавоб баҳси эса 11 март куни бўлиб ўтади.