Неймар бир сўз билан ПСЖнинг ғалабасига муносабат билдирди

"Сантос" ҳужумчиси Неймар собиқ клуби  ПСЖнинг Чемпионлар Лигаси ғалабасига муносабат билдирди.

Шанба куни парижликлар ўз тарихларидаги илк бор Чемпионлар Лигаси ғалабасига эришишди. Улар финалда "Интер"ни 5:0 ҳисобида мағлуб этишди.

Учрашув якунлангач, бразилиялик футболчи ижтимоий тармоқларда ПСЖ футболчилари совринни кўтараётган суратни жойлади ва постга: "Табриклайман," деб ёзди.

Неймар 2017 йил ёзида "Барселона"дан ПСЖга рекорд суммадаги 222 миллион евро эвазига ўтган эди. Олти йил ўтиб, у 90 миллион еврога "Ал-Ҳилол"га сотилди. Жорий йил бошида эса Неймар эркин агент сифатида "Сантос"га қайтди.