Неймар Бразилия терма жамоасига нега чақирилмаганини айтди

24 август куни "Сантос" Бразилия футбол конфедерациясига Неймарнинг сони шишиб кетгани ҳақида хабар берди. Карло Анчелотти ҳужумчини сентябрь ойида Чили ва Боливияга қарши ўйинлар учун Бразилия қайдномасига киритмади.

Ўтган якшанба куни Неймар "Флуминенсе"га қарши ўйинда (0:0) тўлиқ 90 дақиқа ҳаракат қилди.

"Менда сонни яқинлаштирувчи мушак шиши бор эди. Бу ҳақиқатан ҳам ёқимсиз. Бунда айтарли ҳеч нарса йўқ эди, бунинг устига мен ўйнаган эдим. Мен "Баии"га қарши ўйнамаслигим керак эди, шунинг учун мени машғулотлардан озод қилишди ва тикланиш имкониятини беришди.

Ўйлашимча, мени техник сабабларга кўра чақиришмаган ва бунинг соғлиғимга ҳеч қандай алоқаси йўқ. Бу мураббийнинг қарори ва мен уни ҳурмат қиламан. Мен сафдан чиққан эканман, терма жамоамиз кейинги ўйинларда яхши ўйнаши учун шунчаки унга мухлислик қилишимиз керак", - деди "Сантос" ҳужумчиси.