Неймар: Бунақа Бразилияни кўрмагансиз!

“Пари Сен-Жермен” ҳужумчиси Неймар Бразилия терма жамоаси Қатарда бўладиган жаҳон чемпионатида узоққа боришини таъкидлади.

- Бу мен дебют қилганимдан бери энг кучли терма жамоа. Биз жуда кучлимиз ва ғалаба қозонаётганимиз ёқимли. Ҳужум чизиғимиз жуда қудратли.

Бу жамоада ҳар кимга ўз вазифаси аниқ юклатилган ва барчамиз умумий мақсад сари бирлашганмиз. Тажриба ва ёшлик шижоати уйғунлашиб кетган. Биз жамоавий ўйин билан жаҳон чемпионатида узоққа боришга қодирмиз, - деди Неймар.

Қатардаги жаҳон чемпионати 20 ноябрь – 18 декабрь кунлари бўлиб ўтади.