Неймар дриблинг усталари йўқ бўлиб кетаётганидан хавотирда

Бразилиялик футбол юлдузи Неймар замонавий футбол таъсирида дриблинг усталари камайиб кетаётганидан хавотирда эканини айтди.

- Футбол анча ўзгарди. Ҳозир у кўпроқ куч ва интенсивлик касб этиб бормоқда. Шу сабабли биз тўп билан ўзига хос ўйнайдиган дриблинг усталарини йўқотяпмиз.

Бугун бундай футболчилар жуда кам: Винисиус Жуниор, Родриго Гоэс, Райан Шерки бор, ҳатто бошқаларни эслай олмаяпман.

Сен жисмоний куч устида кўпроқ ишлашни бошласанг, техник маҳоратингнинг бир қисмини йўқотасан. Футбол жуда жисмоний спорт турига айланди,  - деди  “Сантос” клубида ўйнаётган 34 ёшли Неймар Ziggo нашрига берган интервьюсида.